俗語有云：「劇透_全家！」可見大家都認為劇透係罪大惡極，適逢近期多套大作相繼上映，Telegram就測試緊一個主動式防劇透新功能，簡單嚟講就係等大家Send劇透信息之前，可以事先將句說話打格仔，咁就唔怕喺群組興高采烈討論劇情嗰時會俾人鬧你劇透。

日前有位Reddit網友開咗個Post，顯示目前Telegram測試緊一個新功能，從片中可以見到用戶能夠喺發送信息前，將內容標記「spoiler（劇透）」，之後Send出去嘅信息就會打格仔，其他人需要主擊撳落嗰條信息先睇到入面嘅內容，方便大家喺群組討論戲情，又或許製造驚喜畀朋友。

目前新功能仍處於開發階段，未知幾時會推出同埋支唔支援影片、圖片、語音等其他格式。值得注意嘅係，呢個功能係需要大家「主動」防劇透，如果發文者特登劇透，大家依舊都係冇佢符，可能禁言或者踢佢出Group更加有效。