近年電子支付已經大行其道，喺香港無論係用信用卡、八達通、Payme等電子支持方式已經普通不過。不過，唔少商戶要想收取電子款項大部份都需要用上第三方卡機，而Apple就想用iPhone去解決呢個問題。

Apple較早前宣佈，將會於iPhone推出全新「Tap to Pay」服務，屆時iPhone將搖身一變成為收款機，你將無需使用額外配件就可以從對方身上收款，其中包括以iPhone、Apple Watch、信用卡或扣帳卡嘅付款，對方只需要接近你的iPhone就可以透過NFC技術進行付款。

Apple介紹呢項「Tap to Pay」服務，認為係安全、私密及簡單嘅付款方式，大家將享受前所未有嘅方便體驗。預計「Tap to Pay」會於今年下半年於美國率先推場，其中Stripe已經成為第一個加入呢項服務嘅支付運營商。