1億2千萬，你會唔會賣左屬於你既技術? 近日Apple公司就成功收購左一間利用AI人工智能創作音樂嘅Start Up公司，呢間公司其中包括可以按照用戶喜好自行製作專屬音樂嘅技術，甚至能夠按你嘅心跳頻率去選擇音樂。

今次Apple收購嘅公司名叫AI Music，於2016年成立，據指Apple喺幾個星期前已經成功進行收購。AI Music被Apple相中嘅技術就係其AI可自動為每位用戶生成最適合嘅音樂，甚至可根據用戶當刻嘅心跳狀況，創造出最適合嘅音樂，好似當你做Gym嘅時候，AI Music可以為你創作出更激昂嘅音樂激勵你。

由於音樂通常都有版權，但AI Music則是創造出全新嘅音樂，所以並不存在版權問題，更何況佢係根據用家心情及心跳等去創作，所以每個創作都係全新的。

預計Apple將會利用AI Music嘅AI音樂技術，應用於其Apple Music、HomePod Mini、Fitness+等程式當中。