{ SKIP }
文:MenClub 魏文青  
POSTED ON 20 Apr 2023

黎到今時今日,相信所有人都有聽過咩係「ChatGPT」,但要佢有幾咁勁、對人類未來有幾大影響,就唔係個個都能夠輕易理解。近日有名日本網民,就用咗一個非常簡單嘅問題黎顯示出「ChatGPT」有幾勁,或者應該話,有幾恐佈。

卻說日本Figure創作者「牛人 (@ushihito)」,日前於Twitter上分享咗佢同ChatGPT嘅對話。當中「牛人」就叫ChatGPT「用15個平假名寫出一個恐怖故事」,結果ChatGPT就寫出「わたしはにんげん ここからだして」,意思即係「我是人類,把我從這裏放出來」。

呢句睇落平平無奇嘅說話,由ChatGPT講出黎就可以有多種意思。首先佢可以真係講緊一個「人類被困住想逃走」嘅故事,亦可以理解為「ChatGPT扮自己係人類,想人類放佢出黎」,又或係「ChatGPT以為自己真係人類,想人類放佢出黎」,更甚嘅可以係佢明知自己唔係人類,但就帶著黑色幽默咁講「我係人呀,放我出黎」。而無論係邊個意思,甚至ChatGPT能夠寫出一句有如此深度嘅句子,都係非常得人驚。

「牛人」嘅帖文曝光後,瞬間得到大量網民關注,至今已經有超過850萬人睇過、接近16萬個讚好。留言處亦有唔少人自行嘗試問ChatGPT同一個問題,但得到嘅答案都係「半夜起身,聽到隔離有呼吸聲,但我一個人住」之類,相對普通嘅恐怖故仔。

值得一提嘅係,有人改為叫ChatGPT用15個字寫出一個「甜故」,而ChatGPT嘅作品係「あそこがじんじんして気持ちいい (那裏麻麻的很舒服)。」

智能手錶、智能手環、智能戒指大家就聽得多,但智能波鞋大家又聽過未?最近Samsung就喺荷蘭限量推出一款名為Shortcut Sneaker嘅智能波鞋,讓用家能夠直接用腳操控手機播放音樂或打電話。 據官方介紹,呢 ...
tech
【科技】Samsung限量推出智能波鞋 用腳操控打電話播歌
14 Jun 2024
ChatGPT等「大型語言模形」(LLM) 正迅速進入人類生活,甚至有唔少人已經培養出「有事問AI」嘅習慣。但只要試用過就會發現,呢類LLM提供嘅資訊往往不準確、錯誤甚或「無中生有」,令使用者未能盡信。目前業界稱呢種現 ...
tech
【AI】最新研究:AI提供錯誤資訊唔係「有幻覺」,而係純粹「9噏」
13 Jun 2024