對比起母親節，父親節嘅存在感一直都相當薄弱，我甚至大膽估計大部份人都唔記得父親節究竟係6月第幾個星期日——而如果你記得，好有可能係因為你本身就係個等緊收禮物嘅父親。既然係咁，不如就自己送禮物畀自己！Marshall最新就同Barber Shop「Handsome Factory」合作，推出父親節特別優惠，令各位父親可以有雙重享受！

作為搖滾樂嘅代表品牌，Marshall近年積極開發藍芽音響市場，其中體積最大、規格最高級嘅Woburn系列就於3月更新到第三代。同樣採用系列著名嘅四正外型加上前方編織網罩、Marshall金屬標誌，其餘部份就用仿荔枝紋理皮包覆，再加上有經典黑及復古奶白兩種顏色，本身就已經係一件極具品味嘅家居裝飾，要過屋企海關 (老婆) 可以話係易如反掌。

同時Woburn III升級到三分頻系統，高中低音各有單元，低音單元更升級至6吋90W，加上兩個2吋15W中音以及兩個3/4吋高音單元，音樂表現力更為強大。連接性方面，Woburn III配有配備藍牙、HDMI、RCA或 3.5 毫米連接，更配備 LE Audio，未來藍牙低功耗音訊 (Bluetooth LE Audio) 推出時可以無縫使用。為大家帶來音樂上嘅享受。

而第二重享受，就係來自城中有名嘅Barber Shop 「Handsome Factory」。卻說Marshall與Handsome Factory合作，只要你於6月30日前指定零售商購買 Marshall Woburn III，再經WhatsApp登記後，就可以於Handsome Factory享受價值 $380 一次的剪髮或濕剃服務。

Handsome Factory由「廿四味」成員Brian於2015年創立，風格治自多倫多的Crows Nest Barbershop。喺佢哋團隊嘅專業服務之下，你就絕對有望成為「型爸」之一！

推廣日期： 2023年6月6日至2023 年6月30日

Handsome Factory 優惠兌換有效期至： 2023年7月6日

零售店：連卡佛, 豐澤, Log-on, 誠品, CD Warehouse

數量有限，售完/換完即止