{ SKIP }
文:MenClub 魏文青  
POSTED ON 27 Oct 2023

人類嘅語言、用字會隨時代、社會環境而轉變,有啲曾經所有人都識嘅字,會慢慢被時代淘汰。就例如你依家仲用個「潮」字,只會證明你個人好「唔潮」咁解。近日日本網站Ranking.goo就做咗個網上票選,要求一眾「三字頭」嘅網友,選出「二字頭年輕人聽唔明嘅電腦.IT用語 (死語)」,換言之如果十個字你都聽過甚至仲用緊,你年紀就有返咁上下啦!各位準備好接受呢個殘酷現實未呢?

藍畫面

由於係日本嘅票選,所以啲用字都係日本名詞。好似第十位嘅「ビジー状態」,直譯為「Busy狀態」,其實就即係我哋講嘅「藍畫面」,大概係因為近代電腦、軟件機體強勁,已經唔太會出現因為指令太多而停止嘅情況,所以年輕人唔識。而7、8、9位都同已經被淘汰嘅電腦週邊有關,分別為「SCSI (接口)」 (即係已經駁Printer,好長好多針嗰個接口);「MOディスク」磁光碟,即係當年Sony MD嘅前身;以及「有球滑鼠」,當年上電腦堂你一定拆過個波出黎玩嗰隻。而第六位就係「アスキーアート」 (ASCII Art),即當年電腦及網絡都未能處理圖片時,利用ASCII文字「砌」出圖案嘅技巧。

磁碟,左起為8吋、5又1/4吋以及最為流行嘅3.5吋磁碟

第五位「みかか」就係日本專用,因為佢其實係日本電信電話「NTT」於鍵盤上對應嘅平假名輸入,情況即係你想打「HI」但打咗「竹戈」出黎咁解;第四位「MS-DOS」就係1981年由微軟推出嘅作業系統,純粹因為年代久遠所以依家冇人會用。

進入前三,第三名「起動ディスク・起動フロッピー」亦即「Boot機碟」,顧名思義就係當年電腦開機時需要用到、載有電腦作業程式嘅光碟。而第二名「ダイヤルアップ接続」撥號上網就可以話係我呢代人嘅集體回憶。於寬頻上網流行之前,電腦係用屋企條電話線上網,期間會佔據電話線不能通話,拎起電話仲會聽到特定嘅撥號音效。而「死語」第一名就係「フロッピーディスク」Floppy Disc,亦即年輕人口中嘅「Save掣」,同樣係因為被淘汰而「失傳」。

以上十個「電腦.IT」死語,你又識幾多個?用過、見過幾多個?

資料來源:Rankinggoo

近年各大廠商紛紛投入研發AR智能眼鏡,就連Amazon都打算分一杯羹!最近有消息指Amazon正在積極開發兩款全新AR眼鏡,計劃2026年底或2027年初推出。
tech
【挑戰Meta?】傳Amazon正在開發兩款AR眼鏡 最快2026年底上市
11 Sep 2025
講咗好多年嘅Spotify無損音質服務終於正式登場喇!已訂閱Spotify Premium嘅用戶無須額外加錢,就能享受高達24bit 44.1kHz FLAC格式無損音樂串流。不過,目前該服務只在等主要市場率先推出,並預計在10月擴展到更多國 ...
tech
【音樂】Spotify正式推出無損音質串流服務 Premium用戶可享24-bit/44.1kHz FLAC音訊
11 Sep 2025