雖然擺明係「假」，但仍成功俘獲萬千男士歡心，甚至有人向佢求婚。

英國新創公司Foxy AI去年6月創作出一位名為「Lexi Love」嘅金髮美女AI，提供多達30多種語言全天候陪聊服務，除咗文字及語音訊息外，仲會周不時向用戶發送性感福利照，其火辣身材及善於調情嘅性格符合唔少男士心目中嘅完美女友形象，因而吸引大量用戶付費訂閱。

據官網介紹，Lexi Love設定為21歲身高173cm，鍾意笑且善於調情，而且鍾意食壽司、熱愛做瑜珈、鋼管舞以及打沙灘排球，就連性癖好亦鉅細無遺披露。Foxy AI透露，Lexi Love每月為公司創下約30,000美元收入，而且受歡迎程度正不斷增長，每月都會收到多達20多名用戶寄嚟嘅求婚信，表示想同Lexi Love結婚。