{ SKIP }
文:MenClub 魏文青  
POSTED ON 20 Feb 2024

雖然Apple Vision Pro初推出時令唔少科技迷及「果粉」期待又興奮,但據報唔少Apple Vision Pro買家近日都因「使用上嘅不適」而紛紛退貨。同一時間,中國方面就有傳聞拍華為將推出性能與Apple Vision Pro相近,但近輕、近便宜嘅頭戴式裝置「華為Vision」,唔知各位又會唔會賣帳呢?

Apple Vision Pro嘅Eyesight 功能展示。但唔少開箱片都指出實際上外人難以睇清用家對眼,令功能變得相當雞肋。

外國科技媒體《The Verge》上週報導指出,於社交網站上留意到唔少Apple Vision Pro買家正趕於14日期限完結前退貨,而買家們退貨嘅原因大多與使用上嘅舒適度有關。

一方面有用家指出使用Apple Vision Pro導致頭痛、「暈機浪」、又或用到眼內微絲血管爆裂等情況(但《The Verge》亦表示,呢啲其實係目前所有VR頭戴裝置嘅痛病);另一邊廂則有人認為Apple Vision Pro高達六百幾克嘅重量,以及條原裝「Solo Knit Band」頭帶不利用量分佈,令即使只係戴上短時間,都已經會令面部、頸部感到不適。

當然,亦有人係認為雖然Apple Vision Pro功能、硬件上的確冇咩可以挑剔,但就冇咩實際用途,同時售價就高達3,500美金(約HK$2.7萬),性價比不足以保留繼續使用。

圖片:李楠或kkk

而就喺呢個時間,中國方面就傳出華為將推出「華為Vision」嘅消息。前魅族行銷主管李楠2月初時於微博發文,先指Apple Vision Pro「基於R1晶片幾乎無延遲的手勢空間操作,Sony micro oled 4k,eyesight腦殘功能。最後600多g掛臉上,2w5(指售價兩萬五)。」然後提到「華為Vision:基於自研晶片幾乎無延遲的手勢空間操作,Sony micro oled 4k,刪除eyesight。350g,1w5。(Sony這個顯示器應該六個月可以出貨)」

從文字推斷,佢似乎就係指華為將會推出一款性能上與Apple Vision Pro差唔多(重伸一次,佢講架下)、但刪除對外展示用家眼睛嘅eyesight功能,所以更輕更平嘅頭戴式裝置,可以話係瞄住Apple Vision Pro嘅弱點而來。

部份資料來源:The Verge

隨住硬件上能夠改進嘅嘢越黎越少,近年各個手機品牌都主力發展手機嘅AI功能,甚至已經有唔少人係因為要用、或者想用AI而決定換機。但如果你係睇中Apple去年宣佈、號稱能夠「更個人化」嘅新Siri而換機的話,相信你就 ...
tech
【科技】新Siri延至明年登場 Apple:「比我哋想像中更花時間」
13 Mar 2025
自從早前《Monster Hunter Wilds》推出之後,相信唔少人近日都「拋妻棄子」努力斬龍,甚至惹來另一半抱怨你「掛住打機唔理我/頭家!」。面對呢種靈魂拷問你可以點答?當然就係引經據典黎駁斥佢啦!最近一個新研究就 ...
tech
【電玩】打機有理!打機無罪! 研究指開放世界遊戲有助改善心理健康
11 Mar 2025