外媒《Bloomberg》引述消息人士指，Apple已決定放棄長達十年嘅電動車開發計劃，並將資源轉投研發生成式人工智能。

Apple Car概念圖（圖片來源：9to5mac）

報導指，Apple首席運營總裁Jeff Williams以及負責電動汽車項目嘅副總裁Kevin Lynch日前於蘋果內部透露，Apple將放棄長達十年電動車開發計劃，令從事該項目嘅2000多名員工大為震驚，其中大部份人將轉移到到John Giannandrea領導嘅人工智能部門，負責生成式AI項目。而汽車設計、硬體工程等相關人員將有機會申請其他部門，又或者被裁撤，目前未知有幾多員工會受到影響。

據了解，Apple早於2014年著手研發電動車，旨在製造一款能夠全自動駕駛嘅電動車，卻因技術所限而多次改變團隊領袖及推遲發布日期，並將自動駕駛等級目標由Level 4下調至基本駕駛輔助Level 2+，而且曾希望將電動車售價定在10萬美元左右。

消息傳出後，Elon Musk亦有喺個人X上轉貼相關新聞，並附上一個敬禮表情及一支香煙符號。