{ SKIP }
文:MenClub 魏文青  
POSTED ON 14 Mar 2024

唔少人出國旅行都會選擇使用Airbnb租屋,以獲得更地道、私隱性更高嘅住宿環境。不過近年就不停發生Airbnb住客於房間內發現隱藏鏡頭嘅事件,結果Airbnb日前宣佈更改政策,完全禁止房東於室內放置任何監視鏡頭。室外鏡頭以及分貝計等亦必須要於房間資料中寫明,否則房東嘅整個帳戶將會被封鎖。

過往只要係位於客廳、走廊、前門等「公共空間」,而且清晰可見,以及有於房間資料中寫明,Airbnb係容許房東於室內安裝監視鏡頭。不過,近年多次發生房客發現隱藏鏡頭事件,甚至令部份房客每次入住都要先掃瞄室內有否鏡頭先敢入住,故此Airbnb改例,直接禁止房東於室內安裝任何鏡頭。萬一被房客發現室內鏡頭並作出投訴,Airbnb將會介入調查,並有可能移除該房源或房東整個帳戶。

Airbnb雖然仍准許房東於室外安裝鏡頭,但就明文表示鏡頭不可以對准室內,如室外浴池、桑拿等「私隱度較高」位置亦禁止安裝,而且房東必須於房間資料中寫明室外鏡頭嘅位置。另外,為防房客用間屋舉行派對,唔少房東都會於房間內安裝分貝計。Airbnb曾於2022年禁止安裝分貝計,但最新版本政策就表示房東必須表明是否有安裝分貝計,似乎就係向房東提供返些少保障。

Airbnb新政策將於4月30日實行。房東必須於此日前移除所有室內鏡頭。

資料來源:The Verge

只要向AI聊天機械人輸入「日落」,對方就會展示一堆日落嘅Reels影片畀你睇。
tech
【科技】AI幫你搵貼文解答問題!Instagram正測試加入AI聊天機械人
16 Apr 2024
美國太空部隊早前向兩家商業公司批出總值超過6,000萬美金嘅合約,要求兩家公司分別製造太空載具,並計劃於2025年於地球軌道進行演練,以應付未來可能發生嘅太空戰爭。 美國太空部隊目前正籌劃緊一個名為 ...
tech
【太空】美國太空部隊2025年進行追逐演練
16 Apr 2024