{ SKIP }
文:MenClub 魏文青  
POSTED ON 20 Jun 2024

早排香港政府推出新「禁煙十招」,先唔好理呢十招有冇用、合唔合理,但觀乎新聞下嘅留言,有唔少人都提出「XX夠有害啦你唔禁?」嘅反駁理由。而近日美國衛生部長Vivek Murthy就似乎係用咗同一個邏輯,佢於《New York Times》撰文,警告社交網站正危害青少年們嘅身心健康,所以要如香煙一樣加入警告字句。

Vivek Murthy

圖片:Wikicommon

《New York Times》於本週一刊出美國衛生部長Vivek Murthy名為《Why I’m Calling for a Warning Label on Social Media Platforms》嘅投稿文章。文章指責社交媒體係青少年心理危機嘅「重要原因」,並指「現在是要求社交網站必須貼出衛生部長警告標籤的時候,表明社交網站與青少年心理健康問題息息相關」、「貼上警告標籤,雖然需要國會批准,但就能定期提醒父母及青少年,社交網站尚未被證明為安全的」。

Vivek Murthy亦於文章中引用兩項研究結果,指出用「使用社交網站」與「患上焦慮或憂鬱症的機率」呈正相關,以及有半數美國青少年都同意「社交網站令我不滿意自己的身體」。以證明社交網站帶來的壞處。

Vivek Murthy亦指出,單靠警告標籤唔能夠令社交網站變得更加「安全」,但起碼會幫父母、學校、醫生及其他更了解事件,因為目前「父母們沒有安全帶可以扣、沒有頭盔可以戴,亦沒有可信任嘅專家仔細研究過後出黎同大家講社交網站係安全嘅。只有父母及佢哋嘅小朋友,於世界上最好嘅工程師以及擁有最多資源嘅公司之間嘅夾縫中,自行搵出解決辦法。」

正如Vivek Murthy所指,要求社交網站平台貼出警告標籤一事,需要美國國會通過才能推行,而目前亦唔知道國會內推呢個議題嘅風向及支持度,所以最後能否成事亦係未知之數。

資料來源:New York TimesEngadget

科幻小說及同名電影《沙丘》中,住喺厄拉克斯星嘅弗瑞曼人(Freman)研發咗一種能夠收集穿著者排出嘅水份(包括尿液及汗水),並過濾成可飲用水嘅「Stillsuits」。近日有科學家就以此為靈感,研發出一種能夠循環使用 ...
tech
【太空】科學家以《沙丘》為靈感研究「尿循環」太空服 有望於登月任務中使用
16 Jul 2024
Microsoft推出嘅Xbox Game Pass能夠讓玩家以一個相對低廉嘅價格,享用遊戲庫中嘅精選遊戲,部份新遊戲甚至能夠於上市當日就透過Game Pass玩到,換言之唔使另外畀錢,對玩家黎講的確係非常吸引。不過Microsoft昨日就 ...
tech
【電玩】Microsoft Game Pass即日加價至$100 往後將推出平價「標準版」
11 Jul 2024