{ SKIP }
文:MenClub 魏文青  
POSTED ON 01 Aug 2024

以摩打推動嘅外骨骼協助人類活動並唔係啲咩最新科技,不過以往外骨骼技術主要用於醫療、工業或軍事之上,一般民眾接觸到嘅機會不多。日前戶外用品品牌「Arc’teryx」(香港有時俗稱為「不死鳥」)就宣佈會推出面向民眾嘅外骨骼行山褲「MO/GO」,號稱能夠令用家嘅體感重量減輕30磅,售價方面則高達5000美金(約HK$3.9萬),唔知各位行山人士又有冇興趣?

「MO/GO」係由Arc’teryx與沿自Google X Lab嘅「Skip」合作推出。睇相最搶眼嘅當然係位於用家雙膝外則嘅外骨骼,但其實外骨骼係透過條褲內嘅碳纖環固定於用家雙腿,而外骨骼嘅電池亦位於條褲嘅腰間位置,所以實際產品其實係一條「可以裝上外骨骼嘅行山褲」。據Skip指「MO/GO」能夠透過用家嘅雙腿活動判定目前係行走於平面定係登山、下山,再提供適當嘅協助,例如發力上山,或吸收下山時嘅衝擊等。用家亦可以隨時控制「MO/GO」提供嘅輔助力度,最高可以令用家體感上減輕30磅。Skip亦指出「MO/GO」並非為咗畀行山人士「出貓」而設,而係「方便未必有足夠體力去登山——特別係有挑戰性嘅山——嘅人士都可以享受登山嘅樂趣。」

據報「MO/GO」總重7磅,電池續航力則為3小時,換言之難以靠佢全程輔助你行完一座山。另外高達$5000美金(早鳥優惠$4500美金)嘅售價亦表明佢非為普通休閒行山人士而設。「MO/GO」最快會於2025後半年出貨,屆時Arc’teryx亦會於美國及加拿大推出$80美元嘅租借方案,供有興趣人士試用。

資料來源:Arc'teryx Academy

記得早排有張外國Meme圖,話大家想要嘅係AI幫手返工、做家務,人類就可以去畫畫寫歌;點知依家係AI去畫畫、寫歌,人類就可能連份工都無埋,都真係幾諷刺。不過黎到今晚今日,就終於有AI技術係幫大家處理一啲嫌惡性工 ...
tech
【科技】Kohler推AI馬桶鏡頭「Dekoda」 望實便便偵測健康
23 Oct 2025
Apple於AI開發上嚴重落後於競爭對手就已經唔係啲咩新聞。而正當大家以為明年初推出結合AI嘅新版Siri情況會有好轉之時,近日就有報導傳出新版Siri於內部測試中表現非常差,搞到公司內部士氣低迷之餘仲有好多AI開發相 ...
tech
【科技】新Siri內部測試未達標 Apple AI發展繼續不容樂觀?
21 Oct 2025