繼年初完成全球首宗人腦晶片植入手術後，Elon Musk旗下創科公司Neuralink日前再為一名患者植入晶片，而且進展非常順利。

Elon Musk日前於Podcast節目表示，Neuralink已成功完成第二宗人腦晶片植入手術，不過未有透露太多細節，只係表示該患者與首名因潛水意外而癱瘓嘅病患相似，同樣係脊髓損傷，而且手術非常順利，被植入嘅1,024個電極當中有400個可以正常運作(約40%)，預計公司今年將為另外8名患者植入晶片。

首名人腦晶片植入者Noland Arbaugh

首名人腦晶片植入者Noland Arbaugh亦有出席節目分享感受，提到手術過程非常簡單，植入晶片後嘅佢能夠憑意念控制滑鼠、瀏覽網頁、在社群媒體發文等等，從而減少對護理人員嘅依賴。值得一提嘅係，Noland Arbaugh僅在10-15%電極正常運作情況下，已經能夠快速控制鼠標。