{ SKIP }
文:MenClub 魏文青  
POSTED ON 03 Sep 2024

美國德州政府早前通過名為「賦權家長保護網上兒童(Securing Children Online Through Parental Empowerment,SCOPE)」法案,並預計於9月1日正式實施。不過美國聯邦法院於8月30日對法案頒佈部份禁令,令SCOPE成為繼加州、阿肯薩斯州及墨西西比州外,第四個有同類法案被禁執行嘅州份。

「如何避免兒童於網上接觸不良資訊」乃係近年美國嘅重要議題之一,故多個州份都分別推出相應法案。不同州份嘅法案雖然略有不同,但大致上都係要求網上平台經營者——例如各大社交平台,又或Pornhub等成人網站——需要特別處理未成年使用者,例如唔可以收集佢哋嘅用戶資訊、唔可以提供針對性廣告、含有成人資訊嘅網站必需驗證使用者年齡,又或透過平台付費時必須先獲家長同意等。

而SCOPE較為特別嘅,係佢明文寫明網上平台必須「避免未成年人接觸有害資訊。包括宣揚或美化自殺、自殘、藥物濫用及誘拐兒童(Grooming)等話題」,換言之平台必須為未成年人過濾呢類型內容。

而正正就係「過濾內容」呢段,令聯邦法官Robert Pitman對法案頒下部份禁令。法官指出「宣揚」、「美化」、「藥物濫用」、「誘拐兒童」呢啲字眼涵蓋嘅範圍非常大,而且其定義經常隨政治氣氛而改變,但法案冇對呢啲字眼作出準確定義,「到咩地步酒精會屬於『藥物濫用』?激進嘅節食又幾時先算係『飲食障礙』?」法官亦提到呢條禁令「於嘗試阻止未成年人接觸有害資訊時,亦阻礙佢哋參與網上嘅民主意見交流。」

值得注意嘅係,今次法庭頒下禁令係因為有科技組織控告SCOPE違憲,而聯邦法庭接納此次案件。換言之SCOPE——或其他同類法案——最終能夠「全身而過」,係要睇各個案件嘅最終結果。目前為止一切都係未知之數。

資料來源:The Verge

Google過去之所能夠掌握整個網絡世界,在於透過Google搜尋以及Chrome瀏覽器掌握大量用戶數據,繼而將其轉化成廣告資源。不過隨住ChatGPT等AI出現,大家由「有事問Google」變「有事問AI」之後,Google搜尋嘅地位就備 ...
tech
【科技】挑戰Google龍頭位置 傳OpenAI將於數週內推AI瀏覽器
10 Jul 2025
著名遊戲創作人、近年被Fans戲稱「全職追星」嘅小島秀夫近日因宣傳新遊戲《Death Stranding 2》而接受訪問,並提到佢多年來一直創作嘅動力來源。對此小島秀夫表示:「我希望同Tom Cruise一樣,創作到死前一刻。」 ...
tech
【電玩】小島秀夫談創作動力 「我希望像Tom Cruise一樣創作到死前一刻」
07 Jul 2025