丹麥音響製造商 Bang & Olufsen (B&O) 宣布推出品牌頭戴式無線降噪耳機 Beoplay系列後繼機H100，定價高達$11,998 港元，「遙遙領先」市場上大多數競爭產品。

從外觀而言，H100比起H95略為纖細，亦用上全新設計、符合人體工學嘅可拆式頭箍，而且用上具透氣性嘅紡織面料，以增加不同氣候佩戴時嘅舒適感，耳墊方面則繼續用上羊皮製作。耳機方面嘅改動則較大，首先係整體有稍為變細，耳機外側用上具順滑觸感且耐刮的強化玻璃觸控面板，同時似乎取消咗H95原有嘅3.5mm接孔。H95上用上調節音量及降噪強度嘅轉盤亦有保留，但位置就由耳機與耳墊之間，移到耳機外側。

H100配備了 40 毫米定製鈦金屬驅動單元，為佩戴者提供最高 96kHz/24bit 的Hi-Res高解析度音訊播放，仲有全新開發、可根據每位使用者的獨特佩戴方式實時調節音質嘅自適應音訊處理技術「EarSense」，另外亦有Dolby Atmos優化。主動降噪功能則升級到10個錄音室級咪高風，為「B&O 迄今為止最先進的降噪和透明模式」。

官方亦指H100有快充功能，充5分鐘就可以用5小時，充滿一次電更可使用32小時。配合自動檢測佩戴狀態嘅智能開關，待機時間可以長達90日。

顏色方面，H100有靈感來自珠寶嘅有三種經典配色可選：暗夜黑 (Infinite Black)、時光沙(Hourglass Sand) 和落日杏 (Sunset Apricot) 三種顏色。隨耳機附送輕巧奢華的皮質收納包，為用家提供便捷、時尚的出行體驗之外，耳機放入收納包後更會自動進入完全關閉狀態，令特機時間提升到「超過一年」。

資料來源：Bang & Olufsen