隨住Galaxy Ring及Oura Ring等智能戒指興起，一直有傳Apple都會推出Apple Ring分一杯羹，並已經申請了多項專利。然而，最近著名爆料人Mark Gurman表示，有關計劃已胎死腹中，原因同Apple Watch有關。

據外媒《Appleinsider》報導，雖然Apple已研發智能戒指長達20年，並申請了大量專利，但經過多年探索後，最終決定中止開發，預計會將資源投放在現有嘅Apple Watch，背後原因並非技術問題，而係出於市場考慮。Mark Gurman指出，Apple主要係擔心智能戒指會影響Apple Watch銷售表現及發展空間，加上目前Apple Watch已經係健身追蹤(fitness-tracking)行業趨之若騖嘅對象。

Apple早於2015年申請過智能戒指相關專利

事實上，現時嘅智能戒指都係主打健康追蹤，能夠1全天侯監測心率、睡眠品質、體溫變化、月經等身體數據，除咗更加輕巧之外，功能與智能手錶大幅重疊，所以都唔難理解Apple為何冇興趣推出智能戒指。