於日前舉行嘅日本「生成AIなんでも展示会（生成AI乜都可以展示會）」中，遊戲製作人玉置絢展示一個佢自己開發嘅「AI女馬迷」系統「GALLOPIA」，而且仲用呢個系統成功扑中一條2273.3倍嘅冷門飛。各位馬迷係咪都好想試下呢？

首先，「GALLOPIA」唔係大家想像中嘅「賽果預測AI」，而係一個「多種LLM（Large Language Model）協調」。具體而言，「GALLOPIA」係同時使用GPT-4o、GPT-4o Mini、gemini-1.5-pro、claude-3-5及claude-3等多個LLM，當用家要求GALLOPIA預測某場賽馬結果時，各個LLM就會分別收集該場每隻馬嘅血統、騎師、練馬師、往績等所有資訊，並利用八個「AI女馬迷」嘅身份於一個聊天群內互相爭論，最後「主人公」就會整理所有資訊並作出買馬推薦。而玉置絢就係用呢個方法成功用1000Yen買中一條2273.3倍嘅冷門飛，進帳近23萬Yen。

「GALLOPIA」使用過程

但要留意嘅係，玉置絢講到「GALLOPIA」嘅重點不在「準確預測賽果」，而係佢覺得睇住八個「AI女馬迷」喺到嘈黎嘈去好有趣。同時佢亦指出，如果真係想用AI預測賽果，DNN（深度神經網路）會比LLM更適合。所以目前都只係玩味性質居多。簡單黎講就即係大家唔好盡信。

資料來源：gigazine.net