雖然任天堂尚未公布傳聞中嘅Switch 2，但最近有配件商疑似偷跑，於網購平台上架Swich 2收納包及螢幕保護貼等周邊商品，進一步證實新機尺寸將變得更大。

最近有外國網民發現，中國網上批發平台「阿里巴巴」出現聲稱係Switch 2嘅周圍商品，包括主機收納包以及螢幕保護貼。其中，出售收納包嘅商家詳細列出產品尺寸為29.5 x 15 x 5(cm)，並印上「Nintendo Switch 2」字樣，對比現時Switch主機尺寸23.9 x 10.2 x 1.39 (cm)，明顯大咗一個碼。當然啦，新機冇可能會5cm咁厚，收納包嘅厚度主要用作保護機身及防撞緩衝。

除此之外，另一間出售螢幕保護貼嘅商家，更直接貼出Switch 2與Switch保護貼嘅對比圖，可以見到新主機保護貼明顯更大，而且沒有亮度感應器開孔。

以上兩款配件，似乎都進一步證實Switch 2將搭載8吋螢幕嘅傳聞，比現時OLED版本嘅7吋更大，但實情如何仍有待任天堂正式公布。