平時打機閒閒地都坐成幾粒鐘，尤其夏天時好易坐到背脊成身汗，但如果買通風嘅網布材質電競椅，冬天時又會太過涼爽。為咗解決呢個問題，最近電競產品大廠Razer就推出一款概念電競椅Project Arielle，透過吹出冷風或暖風讓玩家能夠冬暖夏涼。

近日Razer在CES 2025上發布了一款名為「Project Arielle」嘅概念電競椅，坐墊及椅背均由網布材質製作而成，但特別之處在於底座位置設有一個風扇，並透過管道將冷風或熱風送到椅背左右兩則及最上方吹出，亦即係玩家後頸嘅位置。

官方表示，內建嘅無葉片風扇寧靜且易於清潔，並有有三種風力強度可調，在乾燥環境下感夠降低2-5度體感溫度，而開啟加熱模式後，更可以吹出高達30度嘅暖風。除此之外，當然唔少得RGB功能，風扇摩打、坐墊及椅背都設有燈條，玩家可以按喜好自定不同出風模式嘅顏色，例如吹冷風時就SET做藍色，熱風就紅色等等。

目前Project Arielle只係概念產品階段，尚未公布正式推出時間及售價，有興趣嘅朋友請密切留意。