{ SKIP }
文:MenClub 魏文青  
POSTED ON 11 Mar 2025

自從早前《Monster Hunter Wilds》推出之後,相信唔少人近日都「拋妻棄子」努力斬龍,甚至惹來另一半抱怨你「掛住打機唔理我/頭家!」。面對呢種靈魂拷問你可以點答?當然就係引經據典黎駁斥佢啦!最近一個新研究就指出玩開放世界遊戲其實有助改善心理健康,所以今晚你老婆質問你「又打機?」時,你就可以答佢:「呢個唔係遊戲,係一個療程」——但先旨聲明,後果自負呀下!

《Monster Hunter Wilds》

以Ailin Anto為首嘅一眾英國倫敦帝國學院醫學院學生早前做咗一系列有關開放世界遊戲玩家嘅研究。佢哋先搵黎17名本身就有玩開放世界遊戲嘅大學生進行訪談,並從佢哋口中知道遊玩開放世界遊戲的確提供咗逃離現實並放鬆嘅機會,亦即所謂「認知解脫」(Cognitive escapism)。

隨後佢哋再將研究推向超過600名有玩開放世界嘅大學研究生,並以問卷確認「認知解脫」與「放鬆」有正向關係、而「放鬆」又能夠改善心理健康。換言之玩開放世界遊戲就能夠改善心理健康。

圖片:Pixabay

研究嘅最後一步,佢哋從上述600名大學研究生中最搵出15位進行詳談,以得知開放世界遊戲如何達自「認知解脫」、「放鬆」等作用。而受訪者則表示開放世界遊戲提供探索感、建立並體驗熟練某種技術嘅機會、正能量、以及人生思義及目的。再換言之,就即係滿足咗人類嘅基本心理需要:自主需求(來自探索)、能力需求(來自練好技術)以及歸屬需求(來自與遊戲世界以至角色嘅聯繫)。

研究總結指出,開放世界遊戲或者能夠成為一種成本效率高、又容易獲取嘅治療工具,以助人們管理壓力及焦慮情緒,以改善心理健康。

資料來源:Open-World Games’ Affordance of Cognitive Escapism, Relaxation, and Mental Well-Being Among Postgraduate Students: Mixed Methods Study

吉田修平認為,Switch 2過度強調硬件效能提升,而非創造出全新遊玩體驗,任天堂正失去其品牌特色。 過去幾十年,任天堂一直致力創造全新遊玩體驗,而非單純追求硬件升級。例如DS系列引入雙螢幕設計,其中 ...
tech
【電玩】前PlayStation高層吉田修平評價Switch 2:任天堂正失去他們的特色
17 Apr 2025
近年手提遊戲機再次成為熱潮,而坊間就一直有傳Sony Playstation打算繼PSP後再次進入掌機市場,近日就有更新嘅情報流出。據外國討論區「NeoGaf」成員「KeplerL2」爆料,Sony目前正開發緊兩款將用於下一代主機(PS6) ...
tech
【電玩】PlayStation新掌機消息流出 效能不及PS5但能玩PS5遊戲
17 Apr 2025