當4K電視啱啱先開始入屋，8K電視最近開始出現時，估唔到10K電視機亦已經靜靜雞推出。大陸嘅京東方BOE喺今年CES曾經展出過110吋8K超高清屏幕，今次喺美國另一個展覽又再有驚人之作，展出全球第一部10K超高清屏幕，呢隻82吋屏幕嘅解像度高達10240X4320，比4K高出5倍之餘，更係現時全高清嘅21倍。

咁大尺寸同高畫質到底有咩用？目前呢個屏幕只係實驗性質，並未正式推出市面，所以未知售價。10K聽落係好勁，但實際上有咩片用到10K，而且邊度有10K片源呢？就連8K片都只係寥寥可數時，下面就有一條10K嘅timelapse片，比大家感受一下10K到底會點。

10K Timelapse