{ SKIP }
文:MenClub 魏文青  
POSTED ON 15 May 2025

無論你係玩《Pokémon TCG Pocket》,定係近來玩緊《Monster Hunter: Wild》、《33號遠征隊》,反正對唔少人黎講,打機已經係日常生活中不可或缺嘅一部份。不過根據一個國際研究,原來打機時間長短係同你個樣有關,準確啲黎講,就係靚仔原來唔打機嘅!就算打,佢哋打嘅時間都比其他人要短!

話說一個集合美國、英國、中國及香港大學學者嘅研究團體,早前利用美國「全國青少年至成人健康追踪調查」資料庫嘅數據,試圖了解「外表」與「打機時間」之間嘅關係。佢哋首先發現美國年輕人平均會花2.6%非睡眠時間於打機之上,而成年人則花約2.7%,兩者相差不大。但進一步分析後,就發現不論係年青人定係成年人,只要佢哋嘅外表有足夠吸引力,佢哋就更有可能完全唔打機;就算真係打機都好,佢哋打機嘅時間亦遠比外表唔吸引嘅人少。所以結論就係:靚仔打少啲機。

研究團隊亦對背後原因作出推測。佢哋指出數據顯示,外表吸引嘅人係擁有更多親密朋友,換言之佢哋嘅時間除咗用黎打機,仲可以做好多其他事,所以佢哋將時間花於打機上嘅機會成本,會比外表唔吸引人嘅高得多,從而導致佢哋打機時間較少,甚至乾脆就唔打機。

值得一提嘅係,研究強調係「靚仔唔打機」,而唔係「唔打機嘅就係靚仔」。所以就算你唔打機你都唔好笑得咁開心呀!

資料來源:Looks and Gaming: Who and Why?

美國總統特朗普家族旗下嘅特朗普集團(Trump Organization),在當地時間16日宣布成立全新品牌Trump Mobile正式進軍電訊領域,並推出一款金色智能手機「T1 phone」,強調完全由美國設計及製造,定價499美元。 ...
tech
【科技】特朗普集團推出全美製手機「T1 Phone」 要價499美元8月發售
17 Jun 2025
隨住AI發展得越黎越成熟,唔少人都期望「通用型AI」(AGI),即係能夠執人類所有工作嘅萬能AI已經咫尺。不過據Apple於WWDC前就發佈咗一個新研究,指出目前市面上嘅AI遇上複雜問題時,反而會放棄思考,準確率跌到接近 ...
tech
【科技】通用型AI遙遙無期?Apple報告指AI遇複雜直接「放棄思考」
17 Jun 2025