有邊個睇完電影《回到未來》之後，唔想要入面塊飄浮滑板？現實上當然就未有咁嘅科技比你飄住返工，之但係下面呢塊係由法國水上摩托艇冠軍Franky Zapata打造，利用板下面強勁噴水管的推進力而飛舞嘅衝浪板就相當近榜。玩得勁真係騎住筋斗雲咁款架！

不過好明顯呢塊野只可以係水上面用，而塊板就盛惠US$6,000(約HK$46,800)，再加上每次玩後面都要跟隻快艇，仲未計要完全掌握塊板操控嘅時間。識飛真係有代價架。

其實類似嘅產品（即係片入面，類似IronMan 腳部噴射器嗰舊)早兩三年已經有見過，香港仲曾經有得玩。不過後尾因為牌照問題而無疾而終。所以要玩，就好有可能要去外國先有得玩啦！