平時要落指定幾間Bar先飲到，依家自己係屋企就整到，朋友喺度，仲可以將部機當玩具玩。但製作過程係點？等我哋做一次俾你睇！

準備做足無得靠估

製泡機外形有少少似小朋友嘅玩具cook set，但造法一啲都唔係講玩，要有酒吧出品咁好味，必須預先齊備材料，因為步驟開始咗先搵材料，隨時有延誤時間和影響製作溫度。

材料方面，麒麟一番搾100毫升、120克鹽（粗幼皆可）、300毫升凍水、350克冰塊，落少一樣都做唔到！

另外，計算要準，啤酒落多咗，泡又會發唔起。鹽落得少又做唔到控溫效果，落冰落少咗都會唔夠凍。按我哋試玩經驗所得，最後要出動量杯同手機做秒錶計到準晒六分鐘，先做到一杯啤酒沙冰。

製作步驟如下，先喺落水落鹽計到足，出動埋量杯，倒夠100毫升啤酒落製冷杯。然後落12粒冰開製攪拌發泡30秒，咁先叫完成第一part；之後仲要落多次冰，再攪多5分30秒將啤酒泡凝固成沙冰先算成功。

配埋黑啤最好飲

搞完一場「大龍鳳」先得出一杯沙冰，其實值唔值得呢？我會答你：好值！而且好正，尤其是配埋麒麟一番搾黑啤，有齊幼滑沙冰泡同埋黑啤濃麥芽香味，好fresh。

熟習步驟之後，可以輕鬆整多幾杯同朋友開心share。