一顆熱切的心

一場好嘅前戲，唔一定由咸豬手開始，透過眼神，都一樣可以令女女有Feel，最重要係表現得你有幾渴望得到佢，就好似你眼前係全世界最正嘅女人，望住佢時好似想食咗佢咁，單單用對眼視姦佢，已經可以搞到佢著晒火，再加埋一連串嘅讚美，畀對方感受到你對佢嘅渴求，女女一定會回應你嘅熱情。



前戲要有耐性

唔係個個女人都好似水龍頭咁，一扭就會出水，性愛嚟講，其實更似慢慢挖掘一個地下湖泊，唔係用幾分鍾手指就可以搞到一地都係水，要再加啲挑逗，畀耐性慢慢從身心都令對方投入，愈長嘅前戲絕對會得來愈好嘅性愛過程。



男人都可以呻吟

好多男士都鍾意聽女人嘅呻吟聲，仲要一聽就扯扯地，但其實有啲女人都好鍾意聽男士嘅呻吟聲，覺得好性感又Enjoy，同時感覺上個男人喺自己身體內舒服到忍唔住要出聲，之後個女女會更賣力令你更加舒服。



做愛時手同口都唔好停

做愛唔係只Focus喺下半身，一場好嘅性愛，整體協調都非常重要。啪啪啪時，手部動作都唔好停，一邊輕撫女伴，令佢更加舒服，另外有時候仲可以做做下放慢動作，錫下另一半，令佢覺得勁Sweet



重要時刻唔好改變節奏

好多男士誤會女女就嚟「熱菇」前，更加應該更快速度，但其實突破改變節奏，會打亂佢哋本來就到嘅情緒。如果女女話你知佢就到，基本上維持本身嘅姿勢、速度就可以，咩都唔需要改變。



做完愛都要Sweet

女人係好講求心靈交流嘅生物，一場性愛唔單只係前戲同啪啪啪，完事嘅部分都會照計入去。如果完事時你冷落另一半，佢會對你嘅整體性愛表現大打折扣，甚至因為咁而唔想再同你做愛。啪啪啪完，好好攬住另一半，再畀個深情嘅吻佢，佢會幸福到不得了。