{ SKIP }
文:MenClub 魏文青  
POSTED ON 05 Dec 2017
又到年尾,單身嘅你除咗眼白白睇住「街裏愛人一對對」之外,都仲可以做最後掙扎搵返個伴,再退一步,可能你都可以喺Party聚會中搵到一個暫時情人,二人相擁歸家取暖過冬——但首先你要有個自己嘅竇,其次就係個竇,尤其你個廁所要乾淨!事關美國有家品公司做咗個Reserch,原來女仔上到男仔屋企,最在意就係個廁所!
Wayfair搵咗超過2000名美國男女選出十大「Deal Breaker」(即係令你冇得「Deal」嘅原因),發現不論男女,頭三名都係「家有臭味」、「污糟嘅廁所」、以及「淤塞嘅去水口」。而呢三樣嘢基本上係三位一體,廁所塞就自然污糟、污糟就自然臭。而且唔好以為搞掂個座廁就算OK,千祈唔好低估一個男人喺廁所留底嘅毛髮量——尤其係嗰啲鬈得好特色嘅毛,幾個禮拜唔掃真係可以「一地都係」!你自己見到都驚啦!
其餘上榜嘅女性原因仲有「凌亂嘅床單」、「不受控制嘅寵物」、「過多污糟衫」、「冇冷氣」、「冇私隱」,以及「爆開嘅梳化」,整體黎講同男性相差無幾。唯一一樣男女不同嘅係「核突或者不適當嘅藝術品」——呢個故事教訓你,如果藝術嘅嘢你自問識條鐵,就乖乖地放返高達模型啦。
路過中環站與香港站中間隧道,聽到有女生拍男友肩膀,指著牆上保險廣告大嚷,哇你睇!羅敏莊佢媽咪咁似羅敏莊既喂! 我翻白眼,點計都應該係羅敏莊似佢媽咪,唔係佢媽咪似羅敏莊吓話? 女生依舊以 ...
thezone
王貽興 - 老婆將來變外母
14 Oct 2018
「寸前」,即係日文嘅「邊緣」,若然你能夠遊離於快感嘅邊緣,到最後一刻先跨過去,你將會得到無與倫比的高潮!
thezone
想得卻不可得!「寸前」的High翻天威力
14 Oct 2018