後生細仔，幾時有驚過搞搞下野死Q咗丫～不過如果你一心諗住要啪啪啪啪到七老八十，又有冇擔心過Touch wood自己有日可能會「馬上風」先？所謂「馬上風」，亦即係「性猝死」，指性交時，因為行為太過激烈，導致昏厥甚至突然死亡。

雖然成日聽人講笑話「馬上風」係最好嘅死法，但事實上，有幾多成機會係真係會「馬上風」呢？加州嘅Cedars-Sinai Heart Institute就做咗個相關研究，佢哋由2002-2015年間，喺俄勒岡州嘅4557件心臟驟停病例當中，只有34件病例係同性行為有關，機會率只佔0.7%。而34件病例中，幾乎全部病人都有以下下幾個共通點︰「男性」、「非裔美國人」、「有心血管病史」，而且佢哋大部分都曾經服用過心血管藥物，另外脈搏都跳得比一般人快。

雖然唔清楚亞洲人「馬上風」嘅機會率又點計，又冇講明究竟咩條件下會引致「馬上風」，但至少可以肯定，如果你本身健健康康冇心血管病，就算去到80歲高齡啪啪啪，應該都唔會有事，所以話呢，身體健康真係好重要架！