{ SKIP }
文:MenClub Mean娜  圖:互聯網
POSTED ON 18 Dec 2017

其實香港好多男士都好有人品,對女士亦都非常gentlemen,但係唔知係咪喺女色下會忍唔住獸性大發嘅關係,好多男士上到床後都會變成「另一個人」咁,嚇怕唔少女女,到完咗事以後,先變返平時嘅gentlemen。不過要做一個真正嘅gentlemen,平日做人要有「人品」,喺床上更加要有「床品」,如果唔係輕則同對方鬧交,重則會因為床事而導致分手危機。究竟男士平日喺床上要注意咩「床品」呢?一齊check下你有冇做齊先?


耐心嘅前戲
男士們可能一性起就可以即刻埋牙,但係女性做愛前比起生理準備,其實更需要嘅係「心理準備」,敷衍嘅吻同粗魯嘅愛撫,都會影響到女性做愛嘅心情,覺得你係急住要「交貨」,而唔係真心愛護佢,令你喺女女心目中嘅印象大大減分。


己所不欲勿施於人
「己所不欲勿施於人」呢句說話講就容易,但其實就算喺床上,好多時都會唔覺意勉強對方。比如好多男性都唔鍾意用口「服侍」女女,但又要求女女幫自己口交。可能因為睇得AV多,覺得女性用口「服侍」男性係好平常嘅事,大把女仔會咁做,但其實換轉係男性,都會有人抗拒用口「服侍」女性,如果你自己都唔願意咁做,又點解要要求對方為你付出呢?


完事後關心對方
你嘅伴侶並唔係你嘅發洩工具,唔係好似飛機杯或者性愛公仔咁,用完放喺一二邊唔理佢都唔會有感覺,如果完事後就即刻瞓,唔關心下你嘅另一半,作為女性,就好容易會胡思亂想,覺得你係咪唔夠愛佢,定抑或只係為性愛而同佢一齊。


配合對方喜好
做愛唔係一個人嘅事,而係兩個人嘅事,當然,性愛喜好人人唔同,比如有人鍾意女上男下,又有人鍾意玩後門。不過無論點玩都好,都應該配合大家喜好,而唔係將自己喜歡做嘅事強加於對方身上,例如你覺得顏射個畫面好正,但對方唔鍾意嘅話,都係射返去其他地方啦。


認真避孕
原以為做愛戴condom去避孕呢啲基本嘢應該唔難做,但原來好多男士都會偷雞唔做足安全措施,反而掉轉頭要求另一半要食避孕藥、事後丸等等去避孕,如果對方唔照住做,仲會發對方脾氣。咁touch wood真係有咗bb時又點算好?咪就係懶返條女做咩唔好好避孕……

唔少女士都認為,只要個女仔身材夠大男人就會覺得佢正。但我認為咁樣就未免將男人睇得太過膚淺係,「大」的確係更易得到我哋嘅歡心,但如果只係得某部份「大」,其實並唔能夠滿足我哋。真正嘅「好身材」,係要大得黎 ...
girls
【深夜】奇蹟的黃金比例Body 「名取くるみ」
10 Aug 2022
喺2020年頭,我哋曾經同大家介紹過號稱「集清純與性感於一身」嘅「黒木ひかり」。當時嘅佢憑住「高校4年生 (因為要留級)」嘅身份,黑長直清純可愛外貌,再加唔算豐滿但應有盡有嘅身材,於寫真界寫出一番名氣。但之後 ...
girls
【深夜】事隔年半再拍水著 日菲混血「黒木ひかり」
09 Aug 2022