無套新體驗黐住條罅就OK的「貼紙型」Condom

文：MenClub Mean娜　　圖：互聯網
POSTED ON 27 Dec 2017

啪啪啪嚟講，梗係打真軍最好Feel！不過唔想做人老竇老母又怕得性病，最好都係要有一「套」，that's why而家啲condom愈出愈薄，就係等大家可以安全得嚟又有（好似）無套嘅快感。但如果你覺得0.01都仲係唔夠薄有阻性趣的話，唔知外國新出呢款真無套「貼紙型」condom又啱唔啱你心水？

外國媒體《Desastre.mx》就報導，市面上出咗一款新型態condom「Jiftip」，唔使好似舊式condom咁要笠住丁丁，而係好似貼紙咁，黐喺丁丁頂條罅就可以擋住精蟲漏出，所以過程中毋須戴dom，但由於佢冇condom嘅「儲精囊」，所以到發射一下，你要抆返條丁丁出嚟，再搣走「Jiftip」進行體外射精先至可以完事。

雖然呢款「貼紙型」condom成功引起話題，但似乎就冇咩人真係敢試，皆因齋係諗下「搣貼紙」呢個行為，都令唔少男士感到下體赤赤痛，更重要嘅係，唔少男士都覺得搞到興起仲要「搣貼紙」真係好麻煩，而且萬一搣唔切貼紙，又唔知點算好。加上啪啪啪時其實摩擦力都好鬼強勁，如果唔小心甩咗張貼紙，咁咪嘥9氣？所以即使「Jiftip」設計廠商一再強調「Jiftip」非常安全，但巴打們都係非常怕怕，寧願戴返傳統condom好過。