升職加人工
另一半有得升職加人工，正常都會替對方感到高興。但其實呢個都有機會係一個暗湧，當佢地位同經濟都上一層樓，就會認為自己值得擁有更好，開始思考另一半仲襯唔襯得起佢……

成日喺埋一齊
成日黐埋一齊係就係好Warm又好Sweet，不過大家都明白，兩個人一齊耐咗，愛情會慢慢變成感情，少咗火花出現，有啲人唔識諗就會覺得呢種轉變叫做「淡咗」，又或者係對方「冇咁愛」自己，當佢產生呢種錯覺嘅時候，就好容易被其他人所帶來嘅「新鮮感」所吸引咗去。

疑心變重
女人不嬲都疑心重，非常正路，但如果佢對你疑心愈來愈重，仲有增無減，咁你就要小心！因為佢內心絕對可以出演悲情女主角嘅小劇場，「覺得」自己畀你背叛、「覺得」你去咗偷食，於是自己都可以出於報復而「有樣學樣」，偷食埋一份，仲要食得多過你添。

性生活不愉快
無論係因為佢唔滿足定你唔滿足都好，總之兩個人嘅性生活不愉快不協調就實會有事發生。如果係你餵佢唔飽，好簡單，佢可以大條道理出去自己搵食；如果你餵得佢太飽，唔好以為都會冇事發生，佢一樣可以去搵個性慾冇咁強嘅人去作心靈交流，分別只係身體出軌定係精神出軌啫。