年初Pornhub等成人影片網站公佈2017瀏覽數據，有一項特別數字係相當矚目，就係「Porn for Women(女性向AV)」嘅搜尋率暴升1400%，而且全年都係熱門關鍵字之一。另一網站xHamster亦指女性用戶增長2.4%，總數佔所有用戶四份一。可見越黎越多女性都開始懂得欣賞AV。有見及此，Pornhub今年亦會大力推動女性觀眾進入AV市場，例如早前推出嘅「Fuck Your Period」活動就係其中之一啦。
之前都講過女性於生理期期間得到高潮其實對身體有益，但問題唔係每個女仔都有伴侶，又唔係每對伴侶都能夠接受一場「血戰」，所以睇AV食自己就係一個好嘅方法。Pornhub嘅「Fuck Your Period」其實就係推廣女性於生理期期間睇AV自慰，只要女性們上Pornhub回答幾條簡單問題，佢就會自動推算下一次嘅月事日期，並於當日向用戶寄出一個「Pornhub Premium(新出嘅高清VOD服務，你當係AV版Netflix啦)」嘅免費試用邀請，等女性們可以自行享受高潮，減輕月事嘅煩惱——順帶一提，其實男士們亦可以透過另一方法登記而獲得邀請，男女平等嘛。
