既方便，又快捷

根據美國生殖健康聯會(America Sex Health Association)嘅宣傳大使兼性學家Sunny Rodgers接受《Playboy》訪問時所講，男人自慰嘅其中一個最主要原因係因為高潮(準確啲講，射精)係舒壓嘅方法之一。而由於在此情況下最重要嘅係個「結果」，過程越簡單就越好。自慰唔需要顧及天時人和(但地利要)，亦唔需要理會另一半嘅感受(因為根本冇另一半)，更加唔會有男女之間嘅複雜情感——斷估你隻手唔會鬧你「o趙完鬆」掛？又或者正如暢銷作者兼性學家Erik M.Garrison所講「你不需要和你的手調情、請他食飯然後才能做愛做的事。」

你睇可能有問題 一齊睇會少啲問題

據《Playboy》嘅報導，有97%嘅男人都睇AV(唔好問我個數字喺邊到黎)，由於幾乎全民皆睇，而當中好多男士同伴侶都有良好親密嘅性關係，所以可以推斷「睇AV自慰」與「和伴侶做愛」並非代替品嘅關係。不過根據一個挪威研究，如果伴侶之間只有一人睇AV，雙方會較容易產生「床上問題」，反之如果雙方都有睇，「床上問題」就會相對較少。證明雙方對於AV嘅態度先係問題嘅癥結所在。

某啲地方打飛機係犯法

近年越黎越多女藝人公然談論「J圖」、自己被「J」等話題，「打飛機」亦由一個要收收埋埋嘅私密行為，變成大家茶餘飯後嘅輕鬆話題，證明社會(至少香港社會)對於「自慰」嘅觀感已經大有不同。但其實世界上仲有其他地方係以律法禁止男性有自慰行為，例如伊斯蘭教部份教義明文禁止自慰，印尼更加有法律禁止相關行為，其最高刑罰為判監2年8個月——可以想像當地社會對於自慰嘅睇法係有幾嚴謹。

溝通最重要

撇除法律或宗教上嘅規定，最唔滿意你自慰嘅其實可能係你嘅另一半。Rodgers就建議男生們要令伴侶感到安心，讓佢知道你嘅「性伴侶」只有佢一個，而且你亦享受同佢一齊嘅歡愉時刻，只係有時你需要一個既方便又快捷嘅「私人時間」。Rodgers甚至建議伴侶定下一個「共同自慰」嘅時間，等對方知道你點樣取悅自己，自慰又點減輕壓力。佢話此舉不單能將兩者嘅關係拉近，「讓她知道你對她的愛不會因為自慰而減退，有時已足夠解決問題。」

Playboy