{ SKIP }
文:MenClub 魏文青  
POSTED ON 25 Mar 2018
即係咁,作為伴侶之間最親密嘅行為,坊間上有好多文章、專家、研究同大家解釋、分析「愛」應該係點「做」嘅,當中絕大部份都係教大家點樣帶領對方進入氣氛、過程中又點樣令雙方都享受,但就好似冇咩人講過件事應該點樣完——或者準確啲講,「喺邊到」完。咁究竟歡愉過後,大家嘅子孫應該去哪兒呢?係一個矽膠小袋子、對方嘅身體、定係側邊個牆角呢?以下呢個由Bad Girl Bible做嘅研究又應該畀到少少想法你啦。
「Bad Girl's Bible」訪問咗740位不同年齡嘅異性戀男女,紀錄低佢哋與伴侶做愛時,男方最後會將「子孫」射去邊。結果有92%受訪者指「經常」或「有時」會在女方體內完事,當中更加有三份一係冇做任何安全措施。排第二嘅係「女方身體上」,有74%;至於令大家充滿幻想嘅「女方口內」,就只有54%。「Bad Girls Bible」仲好鬼貼心地標示出受訪男性對上一次於女方身體上完事嘅部位,發現「恥丘」一帶係最「受歡迎」(24.5%),應該係同方便有關;其次就係胸口,包括胸部等位置(23.7%);再之後就係腹部(19.8%)同臉部(16%)。
不過以上數字都只係紀錄事實,並不代表男女對於完事位置嘅喜好。事關體內完事可能係家庭需要(要生仔)、貪方便(唔使抹)等原因。所以真正顯示到男女偏好嘅其實係上面呢個「最偏好的體外射精位置」圖。結果顯示有42%男士希望於女方臉上完事,但只有12.7%嘅女性鍾意咁做,反之女性最偏好男方於自己心口上完事(37.1%),其次則為「恥丘」位置(23.6%)。值得一提嘅係上圖冇包含男士們另一幻想:口內射精。結果發現有43.9%男士偏好呢個「Ending Pose」,但就只有11.9%女士接受,甚有38.9%女性指呢個係佢最唔鍾意嘅完事位置——仲衰過於「後門」內(37.7%)。
咁你又有冇諗過點解男仔(及部份女仔)會咁鍾意於女方嘅臉上完事?答案好可能同睇AV有關。同一個調查中發現,男女雙方對於「臉上完事」嘅接受程係隨住佢每月睇AV嘅次數上升,其中每個月睇14日或以上AV嘅女性,對於「顏射」嘅接受程度(38%)更加係完全唔睇AV嘅女性(8%)嘅將近五倍——我諗呢啲就真係所謂嘅「有樣學樣」啦。
換言之,根據呢個調查,男女雙方對於完事位置嘅分岐其實相當大,而最後嘅「目的地」大概係雙方妥協之下得出。所以如果你想試下一個新嘅「Ending Pose」,將「子孫」帶去一個新地方,其實都不妨同伴侶好好傾下——嗱不過先旨聲明,衰咗你唔好返黎怪我呀下。
唔少於寫真界發展嘅女星,當初入行時其實係想做其他嘢,只係最後因為各種機緣巧合接觸到寫真,本身又真係有呢個條件,所以先繼續做落去。好似今晚要介紹呢位「日向葵衣」咁,就係一個好例子。而且唔好以為咁樣佢拍寫 ...
girls
【深夜】立志入行做聲優 「日向葵衣」變成長型寫真女星
15 Oct 2025
早幾年疫情時大家被逼在家工作(Work From Home, WFH),然後就發現原來唔使返Office係一件非常舒服嘅事。可惜嘅係自從疫情過去後,好多企業都開始滅少員工在家工作嘅時間,甚至直接要求員工必須每日於辦公室現身。 ...
thezone
【兩性】遲來的研究結果?史丹福教授:「Work From Home增加生育率」
15 Oct 2025