網絡有男人開PO大數響香港做男人有幾痛苦，話香港男人一出世就係罪，搭車太迫揩到女仔就係非禮，生得唔靚仔講多句笑都叫性騷擾，討論AV就叫咸濕變庇，但女人討論彭于晏身材就冇問題……

討論區仲話，好彩娶到老婆，叫佢出去做嘢就話食軟飯，唔洗佢返工，佢全職做家庭主婦，又會嫌你唔請工人畀佢，當女人係菲傭；放假想同老婆女友造愛就畀人話個腦剩係識得諗果樣嘢，自己搞掂又會畀佢地嫌你污糟變態，嗌交畀女人打唔還手就畀人笑你軟皮蛇老婆奴，忍無可忍還手就畀人鬧你垃圾賤男打女人，女人人工高過自己就係唔上進冇鬼用垃圾都不如，自己人工高過女人就係同工不同酬性別歧視……

以上所講都只係事實，以及事實之全部。當然如果換轉女人版本，或者都可以數到一堆香港做女人有幾慘既例子，但講真，其他國家例如日本男人，佢地結咗婚每日得一百幾十蚊零用錢，成份糧交晒畀老婆，但慘得嚟都有返啲相對好處，坎坷過後有艇搭，香港男人呢？坎坷既外圍只係更坎坷既內圍，根本就冇盡頭亦冇甜頭，是但求其拍低一條香港男人既日常生活短片，無論有女定冇女，隨時都已經係一套坎坷影展既獲獎電影……

慘唔緊要，一係有回報，一係有意義。你返工每日畀人侮辱但你有返人工，學黃子華話齋，人工係補償，所以返工係慘，但慘得嚟有回報。咁響香港做人男朋友呢？條女份人工自己亂洗，你份人工又要畀佢任洗，平日食飯搭車睇戲買嘢都已經要你畀，都算，家吓仲話咩幫條女入錢落八達窿同Starbxxks咖啡卡先叫錫條女，自己個個月唔夠洗咩都唔敢買，最後都仲要畀條女嫌你唔儲錢做人冇計劃唔上進所以同你冇將來，一個唔該跳船搵個富二代嫁咗去，你話吖，呢種慘，有咩意義？回報又響邊？