{ SKIP }
文:MenClub 魏文青  
POSTED ON 05 Jun 2018
拍咗拖好一段日子嘅情侶,有冇發現對方好似越黎越肥?明明初相識時36-24-36成個葫蘆咁,依家36-36-36成個胡孟青(青姐呀)咁,諗起都有些少唏噓。作為男人你可能會怪女伴「泊咗個好碼頭就拚䠋(本Pea)」,但首先閣下係咪好碼頭仲需要時間慢慢驗證,其次就係根據研究,你先係佢變肥嘅主要原因!

根據Diet Chef嘅研究,發現有超過6成嘅情侶都會有所謂「幸福肥(Relation Weight)」,主要原因係拍拖後比較懶散嘅生活習慣,以及多咗出街食飯所致。研究同時發現女性體重增長比男性多,除咗因為男女身體代謝不同,更主要嘅原因係女性偏向以關係為重,尤其係同居之後女性會傾向跟隨男性嘅飲食習慣,所以體重會更易上升,再換言之即係「為咗你呀死佬」!不過男人們你都唔好開心住呀,因為研究亦發現只要伴侶雙方有其中一人屬於肥胖(Obese),另一半肥胖嘅機會亦會上升37%,即係好可能你唔單止係個衰佬,仲係一個肥衰佬呀!

好啦,如果拍拖會肥,咁實在又會肥幾多呢?根據澳洲中央昆士蘭大學嘅一個大型研究,拍拖拍得開心嘅情侶平均比單身人士重13磅,大概係每拍拖一年肥4磅。格拉斯哥大學嘅另一個研究亦有類似結果,佢哋發現情侶開始同居嘅三個月內平均會肥3-4磅,結婚頭一年再肥5磅。咁講拍拖好似唔多健康咁,但其實喺另一方面佢都對情侶嘅生活習慣有正面影響,例如情侶們會食多咗蔬菜同水果、減少進食快餐,以及更加容易成功戒煙。
講到尾,所謂嘅「幸福肥」其實係同生活、飲食習慣上嘅改變有關,另外心態上覺得另一半「無論如何都會包容我」亦係主要原因之一。格拉斯哥大學嘅Dr. Catherine Hankey就指情侶們要小心「幸福肥」,除咗有健康上嘅考量,仲可能會令你自我形象低落,甚至破壞關係。所以大家開心之餘都要留意下自己同伴侶嘅身體,必要時一齊做運動,千祁唔係放棄自己呀!
食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024