{ SKIP }
文:MenClub 魏文青  
POSTED ON 09 Dec 2018
情侶分手嘅原因有好多:被消磨掉所有愛、見異私遷、需要更多私人空間、性格不合、生活模式不合、性生活不合、人生進程不合、唔鍾意佢父母、唔鍾意佢朋友、唔鍾意佢份工,幾乎隨時隨地任何理由都可以係分手嘅理由。但亦唔係每一個遇到問題都會選擇分手,好多人即使覺得問題非常嚴重,亦考慮過分手好多次,但依然會保留該段關係,你可能會覺得佢擮苦黎辛,但根據最新嘅研究,其實佢係為對方著想。
加拿大西安大略大學心理學助理教授Samantha Joel最新發表一個研究,指人想分手但又唔分手嘅原因有好多,可能係因為投放嘅時間感情太多難以割捨(都話Sunk cost is not sunk架啦)、冇更好嘅選擇(唔想一個人,騎牛又未有馬,咪繼續騎住先)等屬於「利己」嘅行為。但同時亦發現好一部份人係因為「利他」嘅原因而選擇留下,就係因為佢哋覺得對方非常著重呢段關係,如果分手對方會非常難過,咁即使佢自己其實唔太著重呢段關係,甚至認為段感情係難受佢都會繼續落去,就係為咗唔好傷害對方,或者希望未來事情會變得(對佢黎講)更好。
重點就在於「覺得」呢兩個字,Joel指對方究竟有幾著重呢段感情其實只能靠估,好有可能係想分手的一方高估咗對方嘅著重程度、及萬一分手時受嘅傷害而作出錯誤嘅決定。即使不滿又停留於一段關係中固然有機會令關係變好,但亦可能令痛苦延長最後傷害更深,所以係一把雙刃劍。或者更好嘅方法係將問題攤開黎講,能解決嘅就一齊解決,唔得嘅話就懷住祝福的心放大家離開。
如果你見到「櫻井」呢個姓,再望多兩眼相中人而覺得有啲熟口面的話,唔需要太過懷疑㗎,因為我哋早年的確介紹過呢位「櫻井おとの」,不過當時嘅佢仲係用緊漢字名字「櫻井音乃」,係今年先改用片假名寫法。而改咗名之 ...
girls
【深夜】很想戀愛的戀愛笨蛋 「櫻井おとの」出演戀綜人氣再升
28 Jul 2025
雖然做寫真女星好似好風光,但其實唔少女星,特別係直接以寫真DVD出道啦嘅女星,似乎都唔能夠單靠寫真支撐生活,所以唔少人其實都有份正職。而今晚要介紹呢位「空峰凛」就單止就有份頗為特別嘅正職,而且份工仲同佢 ...
girls
【深夜】過激藥物研究員 「空峰凛」寫真迷暈效果驚人
25 Jul 2025