大家近排有冇發覺有啲朋友(甚或你自己)呢排都好似特別「飢渴」？例如特別想睇AV、J圖，自己一個喺房又用多咗幾張紙巾？有伴侶嘅你性生活會唔會頻密咗？冇伴侶嘅你又會唔會已經即刻Download哂市面上所有交友Apps 務求搵返啲性生活？你又有冇諗過點解你會有咁嘅改變？

美國著名兩性心理學家Dr. Justin Lehmiller接受《Men's Health》訪問時就話，造成大家近來性欲高漲嘅其中一個原因，就係因為大家在家工作、被逼放無薪假，令空餘時間大幅增加，但同時又因為唔敢/想出街，結果有時間都唔知做乜，自自然然就會諗起性。

但另一個原因，就係因為大家嘅心理反應。根據Dr. Lehmiller指，疫情越黎越嚴重，即使你本人未被感染，每日都聽到幾多個確診幾多個人死，都會感覺死亡與自己更加接近。而早有研究指，當人面對死亡的恐懼，就會自然產生性欲，亦更願意接受一夜情等「Casual Relationship」。或者正如《拳願阿修羅》頭一話所講，求生本能驅使我們盡力留下子孫。

而且當人經歷強烈情緒時，會產生移情作用，意即因為某件事產生嘅情緒(如而對疫情時的恐懼)，會加劇我們對另一件事嘅反應(如性欲)。同樣嘅情況亦適用於情侶鬧交後即時做愛(外國叫Make Up Sex)，把鬧交時嘅憤怒轉移至做愛時嘅興奮，就會令到性愛嘅感覺更加強烈。

所以，如果你覺得自己呢排性欲特別強大，唔使怕，因為佢唔係武漢肺炎嘅病徵黎，只係你身體嘅反應啫！打多兩次J就冇事架啦！