武肺疫情之下，幾乎各行各業又大受影響——但「幾乎」，就即係呢個世界上都仲有少數行業能夠從中得益，而且講緊嘅唔係口罩、消毒液之類嘅防疫必需品，而係另一種「救急」用品，情趣玩具！

據情趣用品公司Wow Tech發表嘅銷售數字，其3月份銷售額在多國都高於預期，其中香港銷售額增長26%，比預期高出23%；日本高出預期111%，美國高出預期120%，最誇張係加拿大比預期高243%，似乎冇得出街嘅大家都相當緊火。

值得一提嘅係品牌同時公佈「新冠時代的性與愛」調查結果，指54%隔離夫婦、以及73%分居夫婦都有更強烈嘅自慰慾望，20%集中隔離人員比以往有更多性行為，睇落去夫婦性生活應該好咗唔少。但研究同時亦指有六份一受訪感到另一半對其更常發嬲，亦有78%人指預想到危機後分居及離職人數會增加，似乎疫情對夫婦相處黎講都一個大挑戰。