{ SKIP }
文:MenClub 魏文青  
POSTED ON 03 Jun 2020

作為一個男人,大家心知肚明我哋對女性心理學冇咩研究,但一講到女性生理學,相信大家咁多年黎都睇過唔少日本「教材」,又同一班同好們作出過不同程度嘅「學術交流」,或者會覺得自己對女性兩腿之間嘅部份熟悉非常。但你又有冇諗過其實自己一直都被一啲迷思誤導咗?例如你曾否認為女性生殖器嘅「寬鬆度」,係同佢做愛嘅次數成正比?

但根據《Playboy》上由Dana Hamilton撰寫嘅一篇文章《No, There's No Such Thing as It Being "Too Loose"》中,引述婦產科醫生Dr. Angela Jones所說,女性嘅生殖器——或者更準確地講,陰道——設計上就係能夠容許一個BB經過,咁試問男士們的區區幾吋,又點會令到陰道變鬆?當然,於性愛過程中,隨住女生感到興奮、體內釋放相關賀爾蒙後女性生殖器的確會比平常更為膨脹,以迎接男性進入。但當性愛完結、賀爾蒙回復正常時,又會變返平常大小,所以性愛次數與生殖器鬆緊毫無關係。

同時,有人或者會認為能夠從外觀——亦即女性外陰的形狀、大小、顏色——來判定其內部鬆緊。Dana則將陰唇比喻為窗簾,窗簾的外觀同個窗嘅大小同樣毫無關係,所以大家唔好再「以貌取人」啦下。

咁既然性愛次數唔會影響鬆緊度,點解有啲男性又肯肯定女伴嘅鬆緊度有變化?答案在於女性體內嘅賀爾蒙。喺女性進入更年期、產子後、或哺乳期間,其體內雌激素分泌會減少,從而影響生殖器的厚度、彈性及潤滑能力,性愛時的觸感自然有所不同。

而即使感覺上女性生殖器非常緊湊,亦未必關生殖器時事。因為不分男女,人體內有一組「骨盤底肌肉 (Pelvic Floor Muscles)」,平時主要係忍尿時用,但同時亦影響女性收縮陰道、產子時的力度;男性勃起硬度以及早洩等多個方面。只要呢組肌肉比較發達,女性就能更有力地收緊陰道,甚至能夠透過「凱格爾運動 (Kegel Exercise)」將該組肌肉訓練到控制自如。

換言之,即使有唔同因素影響女性生殖器的鬆緊度,但性愛次數就肯定唔係其中之一。以後要講嘢時就要小心啲啦!

我唔要富X牛牛,我要美女牛牛
girls
【台灣美女】小而偉大 台灣直播主「牛牛妹」
13 Jul 2020
如果佢做你健身教練,你一定舉到條…鐵好高呀!
girls
【以色列美女】健身美女 「Sapir Berko」
11 Jul 2020