雖然實際上只係做咗短短三個月AV女優，但就足以令到Mia Khalifa成為幾乎係男人都聽過嘅名人，佢嘅號召力亦經年不散。最近佢就利用自己嘅影響力幫助黎巴嫩爆炸嘅救災工作，拎出自己個著名「眼鏡」出黎拍賣，籌得嘅款項將會捐畀黎巴嫩紅十字會。

Mia Khalifa本身就係出身於黎巴嫩貝魯特，到8歲時先全家移民去美國，所以今次拍賣其實係為家鄉籌款。而佢拎出黎拍賣嗰件，就係「The Infamous Mia Khalifa Glasses 」。點解係「Infamous (惡名昭著)」呢？因為Mia Khalifa嘅女優生涯中，都係戴住呢副眼鏡登場，所以嚴格上呢副唔係眼鏡，仲係擋過無數子彈嘅「護目鏡」黎。而且憑佢嘅產品狀態係「Used and Abused」，你都了解到副眼鏡真係久經風霜。Mia Khalifa亦應承會於寄出前喺眼鏡上加上簽名，再戴住佢影一張影有影有作為贈品。

亦正因為佢咁有故事、咁有代表性、又咁有意義，所以吸引到大量買家競投，撰文時經過189口價，叫價已經去到10萬美金。距離拍賣完結仲有4日有多，唔知最後叫價會係幾多錢呢？

資料來源：ebay