曾經見過一說話：依家仲會想生仔嘅人，一係有錢到冇擔心過養唔起，一係蠢到諗唔到會養唔起。當然呢句嘢就冇必一定係啱，但亦反映出呢個世代好多人都唔想生。但唔想生還唔想生，愛做的事都係要做，所以避孕就成為情侶之間必要做嘅事。日本《Luna Luna》訪問咗近8000名日本女性，發現有超過3成女性都會瞞住伴侶偷偷避孕，更加有超過一成女士表示無論佢定伴侶，都冇做任何避孕措施。

圖片：Luna Luna vis PRWire

日本女性雜誌《Luna Luna》早前訪問7640名年齡介乎「10代至50代以上 (即係十幾到五十幾歲)」嘅女性，問下佢哋對避孕方法嘅認知，以及與伴侶嘅避孕習慣。當中發現超過有近78%情侶都係使用 男用安全套，只有4.7%係使用女性避孕藥，更令人驚訝嘅係有13.7%嘅女仔話，佢同伴侶根本冇使用任何避孕用品 (即係根本冇做任何措施，或者係用掹出黎等土法避孕)。

另外值得留意嘅係，有超過一半女性受訪者表示，有試過於唔想要小朋友嘅情況下，伴侶冇用任何避孕方法。而即使女性覺得需要避孕，亦只有45%會向伴侶提出，有近34%唔會出聲，

圖片：Luna Luna vis PRWire

其實有理智嘅成年人都知，養個小朋友真係一份極大嘅責任，如果真係唔想要，不論男女都要做好相關措施，亦要同對方達成共識。尤其係男士，唔好因為少少快感而因小失大！記住元華嗰句，做個負責任嘅男人！