上星期同大家介紹過迪士尼出身嘅美國女星Bella Thorne開設OnlyFans專頁，結果癱瘓整個網站嘅事。近日就要傳媒報導，原來Belle Thorne個OnlyFans用咗短短兩日，就賺咗200萬美金，仲要引黎其他創作者投訴，直指佢破壞哂成個OnlyFans市場！

Me + ONLY FANS + SEAN BAKER= A BOMB ASS MOVIE https://t.co/Bbq60X5SxE pic.twitter.com/MM4dw0SWjw

— BITCHIMBELLATHORNE (@bellathorne) August 19, 2020

要知道成件事嘅來龍去脈，首先就要知道OnlyFans嘅性質。OnlyFans其實係一個付費訂閱平台，容許不同創作者上載個人創作，而Fans們就可以畀月費去支持，從而獲得內容，基本上即係同啲人喺Patreon賣相一樣，實際上OnlyFans上亦真係有好多 (甚至可以話係大部份都係)「成人內容創作者」，亦係佢哋投訴Bella Thorne「搞寸個Party」。

事關Bella Thorne以主流明星嘅名氣開設OnlyFans吸引大量人訂閱、付費，同時OnlyFans喺未通知其他創作者嘅情況下引入多項新規定，包括「按次付費訊息 (Pay-per-view message)」收費上限定為50美金、「貼士」上限定為100美金、特定地區嘅「數期 (Fans付費到創作者真係收到錢嘅間隔) 」由7日加長至30日等，大大影響創作者收入，而創作者就將呢啲嘢入哂Bell Throne數。

Bella Thorne is the Walmart of Onlyfans

Support/ subscribe to your local small farmers market of Sex Workers INSTEAD!!

— ???????????????????? “ᴏɴʟʏғᴀɴs ʜᴏᴇ” (@bansheebel) August 27, 2020

同時，創作者們亦認為Bella Thorne加入OnlyFans係「爭飯食」，畢竟以佢嘅名氣會吸引到好多原本支持其他創作者嘅人「轉會」支持佢。更嚴重嘅係，現存成人創作者擔心，Bella Thorne嘅成功會吸引更多主流明星加入OnlyFans，令OnlyFans變得更偏向主流文化，換言之唔再容許成人內容存在，唔單止影響成人內容創作者嘅生計，更背棄咗呢班「一手一腳撐起OnlyFans嘅元老」。

PT1 Remove the stigma behind sex, sex work, and the negativity that surrounds the word SEX itself by bringing a mainstream face to it that’s what I was trying to do, to help bring more faces to the site to create more revenue for content creators on the site.

— BITCHIMBELLATHORNE (@bellathorne) August 29, 2020

I wanted to bring attention to the site, the more people on the site the more likely of a chance to normalize the stigmas, And in trying to do this I hurt you. I have risked my career a few times to remove the stigma behind sex work, porn, and the natural hatred people spew...

— BITCHIMBELLATHORNE (@bellathorne) August 29, 2020

而Bella Thorne於30日喺Twitter上回應，指自己當初開設OnlyFans，係希望「消除對於性、性工作、以及圍繞性嘅污名」，「越多人使用網站 (OnlyFans) 就越有機會可以消除污名」，睇黎個出法點就係好嘅。但OnlyFansans其他創作者就唔多同，留言欄一大堆人都係鬧緊佢。

資料來源：RollingStone