即係大家咁大個人，冇理由唔知性愛係咩一回事，亦對點樣令大家都開心有一定認知。如果你咁，相信大家都會認同單單真係「啪啪啪」呢個動作，有時都真係會幾悶，所以情侶之間有時都會搞下新意思，以滿足一下雙方嘅幻想。問題係你又知唔知女仔通常會有咩幻想？你又知唔知自己啲幻想係好平常，定係非常與別不同？以下呢個數據就幫到你啦。

據《The Mirror》報導，英國購物網站Onbuy.com於上月訪問咗近三千名男女，詢問佢哋嘅性幻想究竟包括邊啲「劇情」結果發現最多女仔有嘅幻想係矇眼 (35%)、其次係喺浴缸 (31%)、喺升降機 (26%)、角色扮演 (24%) 及拍攝性感照 (20%)。另一邊廂男性嘅幻想頭五位就係加入第三者 (36%)、視像會議性愛 (30%)、喺按摩浴池 (26%)、喺公廁 (22%) 同角色扮演。亦即係話男女嘅頭五位幻想中，只有角色扮演係大家都非常有興趣。

特別要留意嘅係女性幼想中排第一嘅矇眼，於男性個排行上影都唔見。不過矇眼呢方面通常都係單方面嘅——朦住佢再搵第三者加入，咁就可以一次過滿足雙方幻想啦！(講笑，你唔好真係咁做，冇人救到你架)