{ SKIP }
文:MenClub 魏文青  
POSTED ON 10 Dec 2020

大家有冇聽過身邊有啲已到、甚至已過適婚年齡嘅女仔話,其實佢對男朋友/老公都冇咩好高要求,只係一個「普普通通嘅男人就OK架啦」,呢句嘢聽落係冇咩問題,但你諗真啲就會知道個重點係在於咩叫「普普通通嘅男人」呢?而日本女性畀出嘅答案就係日劇《逃避雖然可恥但有用》嘅男主角,星野源。

據日本戀愛諮詢師「鈴木リュウ」日前於一個電視節目所講,日本女仔口中嘅「普通男人」,實際上係一個外貌似星野源、身高165cm以上,體重60-80kg、BMI 18-27、大學係日本大學、東洋大學、駒澤大學等中上級學校、年收500萬Yen (約HK$37萬,即係月薪HK$31,000左右)以上嘅人。而且仲要經常會去健身、鼻毛唔可以走出黎、唔可以有體味、每個月剪一兩次頭髮、瞓覺前要搽化妝水——符合以上所有條件,恭喜你,你就係日本想婚女士眼中嘅「普通男人」啦!

咁明顯呢啲條件加埋一齊就一啲都唔普通,當中「星野源係普通人」呢個條件更加引起日本網民熱議,有人話「對星野源唔多尊重」,有人指責日本女性眼角高。而鈴木リュウ事後於個人Twitter解釋,日本女人會話星野源係「普通人」嘅原因,係因為星野源對比其他藝人相對冇咁靚仔,女人們覺得佢係「普通人靚仔嘅極限」,情況就同要搵一間「喺甲子園比賽走到最遠,但冇棒球推薦嘅公立高中」一樣,「金足農高係奇蹟 (2018年第二,歷史第二間進入總決賽嘅農業高中) ,搵間明石商業都唔過份呀 (上年第四)」。

資料來源:Careernews
雖然話睇寫真嘅重點在於女星嘅身體線條,但所謂嘅「線條」從來都不限於「有前有後」嘅葫蘆身型,有人反而係鍾意睇女性嘅肌肉線條。而如果你都係呢類人嘅其中之一的話,咁今晚要介紹嘅呢位「大島璃乃」就應該好啱你口 ...
girls
【深夜】童星出身腹肌美女 Miss Magazine獲獎者「大島璃乃」
30 Jun 2025
細個阿媽點解要教你唔好以貌取人?因為一個人嘅好多特質,其實係唔會靠個樣就可以反映到出黎,甚至佢個樣係隱藏咗佢嘅優點。好似今晚要介紹嘅呢位「土田優空」咁,睇佢個樣可能會以為佢只係一個圓臉妹妹,又點會知道 ...
girls
【深夜】禾稈冚珍珠 日韓混血「土田優空」
27 Jun 2025