{ SKIP }
文:MenClub 魏文青  
POSTED ON 15 Dec 2020

因應早前著名記者紀思道 (Nicholas Kristof) 於《New York Times》撰寫嘅《The Children of Pornhub》文章,指Pornhub以非自願及未成年人色情內容謀利、加上MasterCard及Visa日前宣佈禁止用戶向Pornhub付款,Pornhub接連推出救亡措施。除咗早前公開嘅新守則之外,近日近大量刪除Pornhub上嘅影片,據報目前已經刪咗過千萬條片,幾乎係佔總影片8成。

早前Pornhub推出新守則,只容許合作伙伴 (即成人片商) 或已認證會員 (大部份為獨立色情內容製作者) 上傳影片至Pornhub之上,近日外國傳媒《Motherboard》發現Pornhub更進一步,開始自行刪除已經存在於網站之上、但又唔符合上述上傳資格嘅影片。據報Pornhub上曾經有超過1350萬條影片,但到文青執筆之時,網站顯示只剩返唔夠290萬條,換言之Pornhub已經刪除咗過千萬條影片。據外媒引述Pornhub指,Pornhub將會於下年開始對被刪嘅影片進行檢閱,換言之或者、可能有一部份被刪影片能夠重見天日。

而如果Pornhub用戶想成為Pornhub嘅認證用戶,就必須上載一張見到本人全樣、手拎一張手寫自己Pornhub用戶名稱及「Pornhub.com」嘅自拍照。

Pornhub目前只有不足290萬條影片

圖片:截圖自Pornhub

據《Motherboard》引述Pornhub聲明,Pornhub指自己之所以會被針對,主要唔係因為佢哋嘅政策有問題,而係單純因為佢哋係一個「成人內容網站」。Pornhub指最出力鬧佢哋嘅兩個個組織,「National Center on Sexual Ecploitation」及「Exodus Cry/TraffickingHub」都係「存心廢除成人內容、禁止佢哋認為淫穢嘅內容、停止一切性相關嘅商業」,仲話過50年佢哋攻擊過《Playboy》、國家藝術基金會、性教育、LGBTQ權利及女權等等,今日佢哋就黎攻擊Pornhub。

資料來源:Motherboard by Vice
食開日清杯麵嘅大家,相信都對杯麵入面嗰堆唔知係咩肉、唔知點整、但口感同味道都頗為特別嘅「謎肉」非常熟悉,甚至有人係為咗食「謎肉」所以先買日清杯麵黎食。如果你都對「謎肉」情有獨鍾嘅話,咁你就好彩啦,因為 ...
thezone
【日本】日清推單獨發售「謎肉放題」 乾啃亦可
28 Mar 2024
日本採用三學期制,所以學年嘅最後一個學期會於3月完結,換言之依家呢個時間就係學生們畢業嘅季節,當中當然有已經年紀輕輕就已經出道嘅寫真女星。好似今晚要為大家介紹嘅呢位「矢野ななか」咁,就係應屆高中畢業生 ...
girls
【深夜】剛剛高中畢業!LEVEL不同的「矢野ななか」
27 Mar 2024