{ SKIP }
文:MenClub 魏文青  
POSTED ON 15 Mar 2021

作為一個男人,大家一定有經歷過晨勃——一早起身就頂住個小帳篷,嚴重起黎連尿都屙唔到——而大家對於晨勃嘅理解就係自己係咪太耐冇近女色?又或者係咪瞓覺時磨黎磨去磨出個生理反應?而根據美國性學轉家Dr. Lehmiller指,晨勃其實係瞓覺時嘅自然現象,更重要嘅係其實女仔都會有晨勃!

據Dr. Lehmiller指,人喺瞓一晚覺時會經歷大概4到5次、每次半個鐘左右嘅「快速動眼期 (REM)」,而REM除咗係最有可能發夢嘅時刻,體內嘅睪酮及催乳素分泌都會增加,同時促進勃起嘅乙醯膽鹼會增加分泌、限制血管擴張嘅去甲腎上腺素會減少分泌——簡單啲黎講就係REM時期嘅我哋,身體就已經準備好要勃起,而如果咁啱你喺呢個時段醒咗,就會成為晨勃啦。

更有趣嘅係,以上REM期間嘅身體變化並不限於男性,實際上女性身體都會有同一系列反應,換言之女性其實如果於REM期間起身,都會「(陰蒂)晨勃」,只係大家睇唔到咁解。

至於點解人體內要有個咁奇怪嘅功能?目前醫學界並冇一個定案,但其中一種解釋係透過呢一系列動作,為人體生殖機能做「自動保養」,類似久唔久撻下車咁;另一種解釋就係由於生物嘅最終目標就係繁殖,而又因為人類用咗三份一人生黎瞓覺,所以就進化出「瞓覺時都能有部份性功能」嘅機制——當然,都係未經證實嘅假說。

反而要提嘅係晨勃 (準確啲,係瞓緊覺會勃起) 乃係自然身體反應,甚至醫學界界定男性勃起障礙係心理或生理原因嘅其實一個方法,就係睇下佢有冇出現晨勃 (有就代表身體冇問題,可能係心理原因)。

資料來源:Lehmiller.com
大家無睇錯,可愛同性感其實可以並存。今年26歲嘅「くりえみ」(舊藝名:栗田惠美)長得一臉稚氣,唔講都真係以為佢報大咗幾歲,加上個對楚楚可憐嘅無辜眼神,含情脈脈得嚟又迷人,單憑對眼已經勾起唔少男士保護欲, ...
girls
【深夜】性感可愛寫真女星「くりえみ」
09 Apr 2021
今年25歲嘅「長澤茉里奈」憑住稚嫩臉龐一向喺寫真界非常吃香,點知早排突然自爆有個同樣索爆嘅細妹叫「長澤聖愛」,更孖埋阿妹一齊拍「姊妹丼」寫真大晒身材。 長澤茉里奈出道早期曾係日本 ...
girls
【深夜】「長澤茉里奈」孖住細妹拍寫真
08 Apr 2021