{ SKIP }
文:MenClub 魏文青  
POSTED ON 07 Apr 2021

講起「成人動作電影」,大家一定會諗起日本,但其實近年台灣及中國都有「自家製」成人影片推出,其中台灣就以影音直播平台「SWAG」最為高調,過往更更曾鬧出「捷運拍片」風波。不過或者就係因為太高調嘅關係,台灣當局上星期以「妨害風化罪」查封「SWAG」辨公室,網站亦隨即停運至今。

在 Instagram 查看這則貼文

SWAG 官方帳號(@app.swag.live)分享的貼文

據台灣媒體報導,台灣當局於上星期查封「SWAG」位於台北的辦公室,帶走劉姓負責人、其太太及其他員工共35人,並檢走存有會員、直播主資料嘅五部電腦,隨後劉姓夫婦及其餘三名員工被告妨礙風化,其中劉姓負責人准以30萬 (台幣,下同) 保釋。SWAG網站及IG亦於4月2日發佈公告,指「為避免觸法疑慮,本站自即日起暫時關閉網站」。

截圖自:SWAG

「SWAG」由曾經成立「17 Live」嘅台灣藝人王立成於2016年創立,2017年出售予一名劉姓男子,參考日本成人電影產業營運至今。「SWAG」運作模式與一般直播App分別不大,觀眾可以與觀看直播、與直播主互動,最重要係以現金購買「鑽石」,再以「鑽石」購買成人影片。據報被查封之時「SWAG」擁有超過300位女直播主、6萬多名會員,每月淨賺200萬 (台幣,下同),公司高層月薪30萬。

近年「SWAG」知名度大增,同時亦風波不斷。去年底曾有「SWAG」台灣女優於西門町舉牌「徵炮友」被批評,今年初以廢棄捷運車廂拍「地鐵痴漢」片又惹來台灣鐵路出聲明斥責。其當紅女優「吳夢夢」亦爆出被欠薪92萬。

圖片:網絡圖片

特別值得一提嘅係「SWAG」目前雖然暫停營運,但就未必要關門大吉。事關今次劉姓負責人被告嘅係台灣法例妨害風化罪章第235條,「散布、播送或販賣猥褻的文字、圖畫、聲音、影像或其他物品,或公然陳列,或以他法供人觀覽、聽聞」,最重判刑為2年。據台灣媒體報導,由於「SWAG」伺服器位於美國,如果其內容又不屬「含有暴力、性虐待或人獸性交等而無藝術性、醫學性或教育性價值」的「硬蕊」內容,又有做好限制分級 (即係「我已年滿18歲」畀你揀嗰個頁面),好可能最終冇事。

資料來源:newtalkTechbang三立新聞網
喺呢個社交媒體當道嘅年代,唔少人都非常在意影相時自己好唔好睇,女士們靠化妝、P圖就唔在講,唔少男士其實都有P圖嘅習慣。但近日一個最新研究就指出,其實有個更簡單嘅方法令自己影相時睇落更加吸引,就係搵個樣衰 ...
thezone
【兩性】想令自己影相時更靚? 研究指:搵個樣衰嘅企隔離就得
10 Jun 2025
大家知道「肥」同「豐滿」嘅分別喺邊嗎?兩者其實都係「有肉」咁解,但「豐滿」嘅人,啲肉就會生喺啱嘅地方。好似今晚要為大家介紹嘅呢位「福井梨莉華」咁,就好明顯屬於後者。唔係點解日本媒體要稱佢做「壓倒性的究 ...
girls
【深夜】壓倒性的究極身材 大熱新人「福井梨莉華」
09 Jun 2025