只要你拍過拖，就會知道女仔每個月嘅月經，對於佢本人嘅身心，以及作為男朋友嘅你嘅身心都係一個重大挑戰。好多時唔係我哋唔想幫佢手，而係根本唔知點幫先叫做有用。不過以後大家唔使怕啦！因為根據女性專用成人玩具廠商「Womanizer」嘅研究，自慰就係對付M痛嘅有力武器，所以大家唔使叫飲熱水啦，以後改口叫佢去自個慰啦！

據「Womanizer」訪問包括香港等世界18個地方，總共486名年齡主要為18-34歲嘅女性後，發現有70%受訪女性認為定期自慰的確有效減起月經所引起嘅疼痛程度，42%受訪者認為定期自慰能夠減月經疼痛嘅頻繁程度，簡單啲黎講就即係只要女性有定期自慰嘅習慣，就算月經時依然會有所不適，但就會冇咁痛同痛得冇咁密！

更令人驚訝嘅係，同一個研究發現自慰不單止能減輕M痛，仲能夠減輕月經時其他問題如肚屙、肚痛、精神緊張、胸部痛、下腰痛、大腿內側痛、肚漲漲以及沾寒沾凍等問題，堪稱「一捽醫百病」。更重要嘅重點係呢樣嘢作為男人真係可以幫下手嘛！絕對係比叫佢飲熱水有用100倍嘅好方法！

資料來源：Menstrubation.com