喺呢個繁囂嘅社會之中，存在住唔少需要慰藉卻苦無方法嘅寂寞靈魂。不過隨住科技發展，的確出現慰藉身心嘅新方法，就好似呢個號稱「世界第一個實時反應虛擬伴侶系統」Virtual Mate咁，就係用科技為男士帶來滿足上下兩個頭都能享用嘅滿足。

如果要好簡單咁講，Virtual Mate其實就係一個虛擬伴侶遊戲，再加上一個可以連動嘅飛機杯，相信大家一睇就知佢係點用。但佢聲稱嘅最大賣點，就係「像真」同「實時反應」。軟件方面，Virtual Mate指佢哋用上最先進動作捕捉 (Motion Capture) 技術去捕捉真人嘅表情動作，令虛擬伴侶跨越「恐怖谷理論 (Uncanny Valley)」，達到真假難分嘅地步。另一邊廂，Virtual Mate理論上能夠按照任何真實人物或虛擬角色製作虛擬伴侶 (只要解決版權問題)，官方亦有舉行投票，讓用家選出心儀模特兒，再由Virtual Mate試圖解決版權問題以加入遊戲之中。

部份候選模特兒

除咗軟件，Virtual Mate亦需要配合硬件「Core」使用——亦即係一個有多種動作感應、再以藍芽與軟件運結嘅飛機杯。硬件會將玩家嘅力度、速度、動作等傳返去軟件，軟件即時運算出虛擬伴侶應該要有嘅反應再表現出黎，以達到實時互動嘅效果。

Virtual Mate支援電腦、平板、手機以至VR裝置使用，亦設有故事模式、快速模式等多個場景以符合不同用家需要。

當然，呢啲咁貼身嘅嘢，真係要親身試過先知啱唔啱自己口味，而如果你有興趣嘅話，撰文之時Virtual Mate官網做緊特價，軟硬件包哂只需179美金 (約HK$1,400)，正價就要399美金 (約HJ$3,100)，而且講明全球送貨，最快兩星期內到手。如果有讀者買咗嘅話不彷FB/IG聯絡我哋，我好想知道個用後感。