喺香港，交稅就係交稅，你冇得決定交完之後究竟係用返落你住嗰區，定係拎咗去唔知邊到整啲唔知點解咁貴嘅基建；而係日本，除咗正正常常交稅之外，仲有一個叫做「故鄉納稅（ふるさと納税）」嘅制度，亦即納稅人可以向全國任何一個行政區直接捐款，再喺應邀稅款到扣返，而為咗吸引捐款，不同地區亦會向捐款者提供充滿當地特色嘅回禮。而日本青森縣陸奧市就決定推出呢件貝殼比堅尼黎吸引捐款。

卻說盛產帆立貝嘅陸奧市於8月時遭到颱風襲擊，為咗吸引捐款，就同當地嘅「阿部商店」合作推出呢套售價6,000Yen嘅「貝殼比堅尼」，具體黎講就即係喺三塊大約12cm見方、洗乾淨又打磨過嘅帆立貝殼上鑽幾個窿，然後搵幾條絲帶穿起佢，睇落非常獵奇，而且正常人喺正常情況之下根本就用唔著。但又唔知點解好似幾吸引咁喎……

武田久美子 (網上圖片) 

鈴木ふみ奈 (網上圖片)

如果你有返咁上下年紀，或者會記得1989年時日本水著女星武田久美子就係著住一套貝殼三點式拍寫真而爆紅；近年亦有鈴木ふみ奈試過一次。唔知今次陸奧市推出呢套「貝殼比堅尼」後，又會唔會有女仔親身示範。如果你想幫陸奧市但又對貝殼比堅尼冇興趣，其實佢仲有一Set真正嘅帆立貝刺身可供選擇。

資料來源：ふるさと